તેથી શું?


દરેક જણની કામ કરવાની પદ્દ્ધ્તી તદ્દન અલગ હોય. એક જ માતા-પિતાના બે બાળકો તદ્દન અલગ રીતે વિચારે. (ઘણી વાર તો અપરમ્પાર ઝઘડે પણ ખરા!) જે મિત્રો સાથે તમને ફાવતું હોય, મજા આવતી હોય એ મિત્રો જો રૂમમેટ તરીકે રહેતા હોય તો એમ લાગે કે “આ તો આવો છે?” ત્યારે તમને એમના વિષેની સાચી વાત ખબર પડે!!

આવી વાતો મને એટલા માટે યાદ આવી છે કારણકે મને આવો પ્રશ્ન મારા ખુબ સારા મિત્ર વૈભવ જોડે થાય. વૈભવ અને હું જોડે કામ કરીએ અને એક સાથે કામ કરતા કરતા મિત્રતા પણ ઘણી જ સારી. પણ નવાઈ ક્યારે લાગે? આપણા સ્વભાવ પ્રમાણે મેચિંગ ના થાય ત્યારે મને નવાઈ લાગે. અરે ખુબ જ નવાઈ લાગે. ઘણી વાર તો એ એક જ વાત અંગે દિવસો સુધી વિચાર્યા કરું.

વૈભવનું એવું કે તમે એને કોઈ પણ વાત કહો તો એનો જવાબ તમને નેગેટીવમાં જ વાળે. જેમ કે એક વાર મેં એવું કહ્યું કે બાબા રામદેવના યોગા કરવાથી શરીર સારું રહે છે. એટલે એને મને કહ્યું કે મૂળ પ્રશ્ન એ છે કે યોગા આડી અવળી રીતે થઇ જાય તો શરીરને નુકશાન થાય તો? એટલે વૈભવ યોગા કરતો નથી કારણ કે રામદેવની ડીવીડી ના ચાલે. રામદેવ પોતે આવીને જો યોગા શીખવાડે તો વૈભવ ને ગમે પણ પછી વૈભવ નો સ્વભાવ જ વૈભવી. એટલે રામદેવ જો પોતે યોગા શીખવવના હોય તો વૈભવ એમનું યોગા ઇન્સ્ટ્રક્ટરનું લાયસન્સ છે કે નહિ એ ચકાસી લે પછી જ શીખવાનું ચાલુ કરે.

એટલે વૈભવને એવું કે તમે એમ કહો કે આજે દિવસ ખુબ સારો છે. તો જવાબ એવો મળે કે એની કોઈ ગેરંટી નથી. અત્યારે સારો છે અને પછી ગમે ત્યારે બગડી શકે છે.

ધારો કે હું એમ કહું કે ઓબામા જે અમેરિકાના પ્રેસિડેન્ટ છે એમને અમુક પોલીસી વિષયક નિર્ણયો સાચા નથી કર્યા. તો એ નિર્ણયો સાચા છે એની કોઈ સાબિતી તો મારી પાસે હોય ના. મને તો એવું લાગ્યું એટલે મેં કહ્યું હોય, મેં એના પ્લસ અને માઈનસ અંગે ઊંડો વિચાર કરીને તોલી માપીને વિધાન આપ્યું ના હોય. એવું મને ફાવતું યે નથી અને એવું કરવાની જરૂર પણ નહિ. તો પણ વૈભવ મને બરાબર પકડે. એ મને ધારદાર દલીલો, તર્કબદ્ધ પુરાવાઓ અને સબળ ઉદાહરણો દ્વારા એવું સાબિત કરી આપે કે ઓબામા એ લીધેલા નિર્ણયો અંગેનો મારો પ્રતિભાવ ખોટો છે. એટલે મને ખુબ જ મુંઝવણ થાય. મારું મન છટપટે, મનને ત્રાસ થઇ જાય. પૂછી હું પૂછી પાડું કે તો પછી સાચું શું? તો એનો જવાબ પણ ગોટળાવાળો. એમાં એનો કોઈક ઉત્તર હોય ખરો પણ એ મને ગળે ઉતારે એવો ના હોય. એટલે મને એમ થાય કે તો વૈભવ શું માને છે અથવા કહેવા શું માંગે છે?

હવે આ પરિસ્થિતિનો મારો પોતાનો અભિપ્રાય આવો છે: વૈભવ જેવા મિત્રો કઈ તમારું અહિત કરવા ના માંગતા હોય. એમનો સ્વભાવ જ આ પ્રકારે હોય. આવા લોકોની દલીલ કરવાની આવડત અદ્ભુત હોય. ચેસની બાજીમાં જેમ એક સાથે ૫-૬ ચાલ વિચારીને શું થશે એવું એ લોકો જોઈ શકે જેના કારણે એમને વાતને કઈ દિશામાં સાબિત કરાવી એ ખુબ ફાવતું હોય. હવે વૈભવ આવી રીતે એની પત્નીને પણ ખુબ હેરાન કરે. પત્ની પછી દલીલ જ ના કરે.

તો પછી આવી ખુબસુરત (!) આવડતનો અર્થ શું? આવી આવડત ઈજનેરીના ફિલ્ડમાં જ્યાં ડીઝાઈન કરવાની હોય ત્યાં ખુબ જ ચાલે. આવી જ આવડત જોઈએ, જ્યાં તમે કોમ્પ્લેક્ષ સિસ્ટીમ ડીઝાઈન કરતા હોવ ત્યાં આ લોકો અદ્ભુત રીતે સીસ્ટીમ ડીઝાઈન કરી શકે. એક પણ છેડો બાકી ના રહી જાય. દરેક પાસાનો પૂર્ણ રીતે વિચાર કરીને જ પ્રણાલી ઘડવામાં આવી હોય. કારણકે ફૂલપ્રૂફ ડીઝાઈન કરવી એની જ તો એમની એક્ષપર્ટ ખૂબી હોય છે. એને કારણે તો વિશાળકાય જહાજો અકસ્માત વગર હજારો માઈલ સહેજ પણ ભૂલ વગર તરી શકે છે કે પછી વિમાનો અત્યંત ઝડપે ઉડી શકે છે.

એટલે પછી શું? જયારે બધું નિયમ પ્રમાણે થતું હોય ત્યાં વૈભવ ખુબ જ અસરકારક નીવડે. એની ક્ષમતનો સંપૂર્ણ ઉપયોગ થાય. જયારે એવી ખબર હોય કે શૂન્ય ડીગ્રીએ પાણી નો બરફ થાય છે, કોપર કેટલા તાપમાને કેટલું વિસ્તરે છે એ બધી જ અચળ વિગતો જે સમગ્ર બ્રહ્માંડમાં એક જ સરખા નિયમને ફોલો કરતી હોય, એવી માહિતીને લઈને ડીઝાઈન કરો એટલે એમની ડીઝાઈનમાં ક્યાય કચાશ રહે જ નહિ.

પણ આ વાત જયારે માણસો પર લાગુ પાડવામાં આવે ત્યારે? જો ભાઈઓ પણ એક સરખું વિચારી ના શકતા હોય અથવા એક જ વ્યક્તિને આજે જે વિચાર હોય એ સવારે અથવા અઠવાડિયા પછી જુદો લાગતો હોય ત્યારે આવા લોકો ગૂંચવાઈ જાય. વૈભવ પણ ગૂંચવાઈ જાય. કારણ એની વિચારસરણીમાં અચળ અને નિયમાનુસાર થતી ઘટના ઓ જ ફીટ થતી હોય. એમાં જો ફેરફાર થાય તો એના નિર્ણય પર અસર પડે. ભયંકર અસર પડે. એટલે જયારે માણસો સાથે કામ કરવાનું હોય ત્યારે વૈભવનું મન ખુબ કચવાય. માણસો એની અપેક્ષાઓનો કચ્ચરઘાણ કાઢી નાખે. એટલે એ પીપલ જોડે ખાસ ડીલ કરે જ નહિ.

પણ તેથી શું? મને ઘણી વાર ત્રાસ થઇ જાય. વૈભવ જોડે મને દરેક વાત સાચવીને કરવી પડે. નહીતર એ એમાંથી વાંધા વચકા કાઢે. હું સહેજ ડરમાં રહું કે હમણા હું બોલીશ તો વૈભવ રાજ જોઈને જ બેઠો હશે અને હર હંમેશ, મારી વાતને ખોટી પાડવા માટે તત્પર રહેતો હોય. હવે વૈભવ તો એક ઉદાહરણ છે. આવા તો સેંકડો માણસો મળે જે લોકો તીવ્ર દલીલબાજી કરી અને તમારી સાથે સહમત ના થાય.

તો એવા માણસો જોડે ફાવે કેમનું? અરે, જયારે હું સ્કુલ કે કોલેજમાં હતો ત્યારે તો ભયાનાક દલીલો કરતો. પણ છેવટે આવા મિત્રોથી હું ખુબ અકળાતો. મને એવું લાગે કે એ બધાનો ધ્યેય જ એવો છે કે તમારી વાત ખોટી છે અને તમને કશું આવડતું નથી એવું સાબિત કરવું.

પણ આજે મને એવું લાગે છે કે આવા સ્વભાવના લોકો કઈ તમારું અહિત કરવા ઈચ્છતા નથી હોતા. એ લોકો ડેન્જરસ પણ નથી હોતા. તો પ્રોબ્લેમ ક્યાં છે? મને એ બધા પર ચીડ ચડે, મન ઊંચું થઇ જાય, વાતે વાતે મને આળું લાગે. એમ થાય કે આ બધા નક્કામાં છે. મનને થોડો ત્રાસ થાય કે આની જોડે અત્યારે માથું પકવવા બેસવું છે?

તો એનો જવાબ એ કે બહુ મન પર લેવું નહિ. એમની વાતો સાંભળવી, વાગોળવી. પણ બહુ દલીલ બાજીમાં ઉતારવાને બદલે એમને અભિપ્રાયો પૂછવા. એમને ખાસ અભિપ્રાયો આપવા નહિ કારણ કે એની સાબિતી જો તમારી પાસે ના હોય તો તમારો અભિપ્રાય ખોટો છે એની હેરાન થવાની પૂર્ણ તૈયારી રાખી લેવી. તો એ લોકો તમારી સાથે થઇ જશે એવું તમને લાગશે. આ એક વિચારવાનો જુદો દ્રષ્ટિકોણ છે. જે લોકો તમને હેરાન કરતા લાગે એ લોકો તમારા આલાઈ (મિત્રો) થઇ જશે, અને વધુ સારા મિત્રો. તમે જોજો, જે લોકો બધાને ગમતા હોય એ લોકો આવી વાતો સાંભળે, માણે પણ મન પર ના લે. એનાથી ત્રસ્ત ના થઇ ઉઠે. દરેક પ્રકારના લોકો હોય અને એ લોકો એમની રીતે જીવે. એમની વાતો આપણે મન પર લીધા જ કરીએ તો આપણી વાતો આપણે આપણા મન પર ક્યારે લઈશું?

એટલે જો ધારો કે વૈભવ જોડે ધંધો કરવાનો પ્રસ્તાવ મુકવામાં આવે તો શું થાય? એટલે વૈભવને મેં પૂછી જ પડ્યું કે દોસ્ત, જો આ પ્રકારનો ધંધો છે તો શું વિચારે છે? કરી નાખવો છે? મેં કઈ રીતે કરાય એની શક્યતાઓ બતાવી. તો એને એ અંગે સહેજ વિચાર્યું પછી મને કહે કે આમાં તો આવું થાય, અને આવું થાય તો ધંધો તૂટી પડે. હવે આમાં એવું છેકે વૈભવ રહ્યો મૂળે ઈજનેર. એટલે એ દરેકે દરેક પાસાનો ઝીણવટથી અભ્યાસ કરે પછી નક્કી કરે. હવે ધંધામાં તો ફેલ્યોરની શક્યતા ઓ પુરેપુરી. અંક શાસ્ત્ર મુજબ તો ૯૫% ધંધાઓ બંધ થવા માટે જ ખુલે છે. તો? વૈભવનું એવું કે જો સીસ્ટીમ ફૂલપ્રૂફ ના હોય તો એવી સિસ્ટીમ એનો અર્થ નથી અને જયારે તમે હવાઈ જહાજ બનાવતા હોવ ત્યારે એ વાત પણ બરાબર છે.

પણ હવે ધંધો તો કઈ શૂન્ય ડીગ્રી તાપમાને પાણીનો બરફ થાય એમ થોડો ચાલે? એમાં તો માણસો, બેન્કો, સરકારના નિયમો, તમારી પત્ની બધા જ લોકો ગમે ત્યારે, કોઈ પણ પ્રકારની ચેતવણી વગર અસર પાડી શકે. તો? વૈભવ એ કારણે ધંધો લગભગ ના કરે. એને મને તો પુરેપુરી ચેતવણી આપી દીધી કે જો આમાં આ પ્રકારનું સંપૂર્ણ જોખમ છે. એટલે તું વિચારતો હોય તો વિચાર બંધ કરી દે.

હવે મેં વૈભવ જેટલું પૃથ્થકરણ ના કર્યું. એનું એક કારણ એ કે વૈભવ જેટલું પૃથક્કરણ કરવની ક્ષમતા જ નહિ પણ મેં એના પૃથક્કરણ નો ઉપયોગ ચોક્કસ કર્યો. સાથે સાથે બીજા મિત્રો જેમને આવું કશું કામ કર્યું હતું એમનો અભિપ્રાય પણ લીધો. હવે આમાં એવું છે કે મેં એક શક્યતાને આધારે એવું કૈક કરવાનું નક્કી કર્યું. અને પછી જે થાય એ વિચારીને એવું કરી નાખ્યું.  એટલે શક્યતાઓના આધારે પણ નિર્ણય લઇ શકાય અને પછી કઈ થાય તો જે થાય એ જોઈ લેવાનું. તમારું થીન્કીંગ પોઝીટીવ અને નેગેટીવ બંને પ્રકારનું હોઈ શકે. તમારે કેવો રસ્તો લેવો છે એ તમારા હાથની વાત છે.

એટલે હવે મને વૈભવ જેવા મિત્રો મળે તો? વૈભવ જોડે હવે તો મને પહેલાથીયે બધારે ફાવે. વૈભવને મેં જયારે એ વાત કરી કે મેં આ પ્રકારનું કામ ચાલુ કર્યું છે ત્યારે એને મને એ કામ હું કેમ સફળતાપૂર્વક કરી શક્યો એના સજ્જડ કારણો આપ્યા અને એ કામ પોતે કેમ ના કરી શકે એના પણ કારણો આપ્યા. આ વખતે મને શું લાગ્યું?

ભલે વૈભવ ચેસની દસ ચાલો એક સામટી ચાલી નાખે છે અને કયા કયા કારણો ક્યારે મુશ્કેલી સર્જી શકે એનો પ્રભાવશાળી ચાર્ટ બનાવી નાખે છે પણ છતાંયે મને એવું લાગ્યું કે વૈભવ એની સાથે સાથે જો શક્યતાઓ અને મનની ઈચ્છાઓના આધારે ચાલે તો પોતે આનાથી વધુ સફળતાપૂર્વક કોઈ પણ પ્રકારનો ધંધો કરી શકે. વાત વિચારસરણીના ઢોળાવની છે કે તમારો ઢળાવ અથવા વિઝન કઈ તરફનું છે. દરેક પરિસ્થતિમાં અલગ અલગ પ્રકારે વિચારવું જોઈએ.

પણ હવે વૈભવ જેવા મિત્રો મારી જોડે દલીલ કરે તો? તો મને હવે કઈ વાંધો નથી આવતો. હું સામી દલીલ કરવાને બદલે એમના અભિપ્રાયો પુછુ છુ. હું એમના દ્રષ્ટિકોણ જાણીને કૈક શીખવાનો પ્રયત્ન કરું છે નહિ કે ભયંકર દલીલબાજી કરીને એક બીજા સાથે મન ઉંચા કરી નાખવા. આનાથી તમામ પક્ષોની ડીગ્નીટી ખુબ જ સારી રીતે જળવાય છે. અને સહુથી અગત્યનું, મને એ ફાવે છે અને ગમે છે. એનાથી શિખર શ્રીવાસ્તવ મને એમ કહે કે ભાઈ નેપોલિયન હિલ (મારી દ્રષ્ટિએ ખુબ ઉમદા લેખક)ના પુસ્તકો વાંચવાનો શું અર્થ છે જો હું પોતે જ એના થી સુંદર પુસ્તક લખવાની ક્ષમતા ધરાવું છુ તો? તો મને હવે એના વિધાનથી કોઈ વાંધો નથી આવતો. એને પુસ્તક લખવું હોય અથવા મારા માનીતા લેખક એને ના ગમતા હોય તો આપણે શું? આપણે એવું જાણવાનો પ્રયત્ન કરવો કે એને ગમતા લેખકો કયા છે? અને એને વાંચવા જો આપણને ગમે તો. ધારો કે રામા મને એમ કહે કે ડેમોક્રેટીક લોકો સારા છે પણ રીપબ્લિકનો ખરાબ છે અને મારી માન્યતાને દલીલો પર દલીલો કરીને તોડે તો? તો એનાથી આપણે શું? એને એવું લાગતું હોય તો એનું કોઈ કારણ હોઈ શકે એનાથી એ તમારો દુશ્મન થોડો કહેવાય? એટલા દ્રષ્ટિકોણના તફાવતથી શું ફેર પડે? આવો તફાવત તો તમને તમારા પપ્પા અને મમ્મી જોડે પણ હોઈ શકે. તેથી શું? તમે હવે પપ્પા-મમ્મીની જોડે વાત કરવાનું બંધ કરી દો કારણકે તમારા પપ્પાને સવારે વહેલા ઉઠીને સી એન એન ચેનલ જોવાનું ગમે અને તમને સી એન એન ને બદલે એન બી સી ચેનલ ગમે છે? સહુથી શ્રેષ્ઠ આઈડિયા એ છે કે સીએનએન પણ ખોટી નથી, તો એ જ શા માટે ના જોઈ નાખવી?

ધારો કે હું મારા કલીગ નરેન્દ્રને બે વાર એરપોર્ટ મુકવા જઈ આવ્યો. પણ નરેન્દ્ર મને એરપોર્ટ મુકવા ના આવ્યો. કદાચ એને કામ હતું અથવા એને મને મુકવા માટે એનું કામ મોકૂફ ના રાખ્યું અથવા એની ઈચ્છા જ ના હતી (એવું મેં પાછુ ધાર્યું) તો? એનાથી હવે નરેન્દ્ર મારો દુશ્મન થઇ ગયો છે? એ સામે મળે તો મારે એની જોડે ના બોલવું. અને બીજા કોઈ મિત્રો મળે તો નરેન્દ્રની પેટ ભરીને નિંદા કરાવી? અને એથી નરેન્દ્ર વિશ્વ નો સહુથી મોટો સ્વાર્થી થઇ ગયો? (અને પછી સાથે સાથે તમે એવું પણ વિચારવા માંડો કે એ તો પાખંડી, વ્યભિચારી અને માંસાહારી (?!@) પણ છે કોઈ બીજા કારણ વગર જ, એવો ના હોય છતાં યે!!)

એટલે પછી જો, મેં મારું બધું કામ પડતું મુકીને એના માટે આખું ટેક્ષ રીટર્ન કરી આપ્યું. હવે આજે જયારે મેં અશોકને એમ પૂછ્યું કે તારે પેલા મુવર્સવાળાની ઓળખાણ છે તો મને આટલું કરી આપ તો અશોકે ભાવ ના આપ્યો. તેથી શું? હવે અશોક પણ પાખંડી થઇ ગયો? અને નરેન્દ્ર જે સ્વાર્થી નં. વન હતો એને પણ અશોકે પાછળ પડી દીધો?

સહુથી મોટો ડખો તો પેલી શીતલે કર્યો…એના બેબી શાવરમાં અમે એને પુરેપુરા ૯૫ ડોલરની ગીફ્ટ આપી અને એ શું લાવી? આઠ ડોલરનું ટબ અને એ પણ સેલમાં હતું એ. તો શું, તેથી શીતલ હવે મારી દુશ્મન થઇ ગઈ છે કારણ કે શીતલે મને મારા જેટલી ગીફ્ટ ના આપી. અને લીસ્ટમાં એનો નં કયો આવે કારણ કે પહેલા અને બીજા નંબર પર તો નરેન્દ્ર અને અશોક આવી ગયા છે!

તમે કોઈકને ગીફ્ટ આપો એટલા માટે કે એ તમને એનાથી વધુ અથવા એટલા પૈસાની ગીફ્ટ આપે? તમારે મિત્રતાના ત્રાજવા ગીફ્ટના પૈસા અથવા એરપોર્ટ મુકવા આવ્યા કે નહિ એનાથી તોલાય છે? પણ આ બધી વાતો મેચ્યોરીટીથી આવે. લોકો આવું જાણી જોઈને કરે અથવા જેન્યુઇન કારણ સર કરે એનાથી આપણે શું વિચારવું?

તો હવે મને આવું લાગે છે: કે એવું તો હોય. એનાથી તમારે દુઃખી ના થવું. એ વાત હકીકતે પ્રોબ્લેમ વાળી છે જ નહિ. મિત્રો સાથે આવું બધું ચાલ્યા કરે. એટલું ધ્યાન રાખવું કે તમારા વર્તુળમાં લોકો મોરલ વગરના તો નથીને? એટલે કે જેમને નીતિનિયમોનું કોઈ મહત્વ જ ના હોય, ચોરી કે એવું બધું સામાન્ય લાગતું હોય તો એવા લોકોનો સંપર્ક રાખવાનો કોઈ અર્થ નથી, છુટા પડી જવું સારું. પણ જે લોકોના જવાબો અને એમના કર્યો તમારી અપેક્ષ મુજબના ના હોય એનાથી એ લોકો નાલાયક, નિકમ્મા, સ્વાર્થી અને (સુવ્વર) થઇ જાય એવું થોડું? શક્ય હોય તો એવી પરિસ્થિતિ ઉભી જ ના થવા દેવી. અને થાય કે જેમાં કોઈકની જરૂર પડે અને એ મિત્ર ના પાડે તો એનથી એ મિત્ર હવે મિત્ર નહિ પણ તમારા સ્વાર્થી અને નક્કામા માણસોના લીસ્ટમાં આવી જાય એવું? ખરેખર આપણે જો એવું કરીએ તો આપણે લોકો સહુથી વધુ લોકોના લીસ્ટમાં પ્રથમ ક્રમાંકે બેસતા હોઈએ એવું બને.

વાત એમ છે કે મિત્રો, સગાઓ, ઓળખીતાઓ, પડોશીઓ કે સહકર્મીઓ એ બધા હંમેશા તમને તમારી અપેક્ષ મુજબ જ કામ કાર્ય જ કરે એવું બને એમ કઈ જરૂરી નથી. તમે એમનું કૈક કામ કર્યું અને એ તમારું કામ સાટું વળીને કરે એવું પણ જરૂરી નથી. તમારે એમનું કામ કરવાનું મન હોય તો કરો નહીતર નહિ. પણ એ મને કામ આવશે એવી તમારી પોતાની સ્વાર્થીવૃત્તિથી તમે મદદ કરો છો. અને એ મિત્ર ધારો કે બીજા કોક કામને કારણે તમને મદદ ના કરી શકે તો સ્વાર્થી કોણ છે? તમે જ

આમાં એવું છે કે ઘણી વાર ગેરસમજ કલ્ચરને કારણે અને દરેક વ્યક્તિના ઉછેરની પદ્દ્ધ્તીને કારણે પણ થાય. જેમ કે અમુક રીવાજો જ એવા હોય કે જેનાથી તમે અજાણ હોવ પણ સમ વ્યક્તિ માટે એ રૂટીન હોય.

તેથી વાત એમ છે કે લોકો અલગ અલગ પ્રકારના હોય જ અને અલગ અલગ રીતે ઓપરેટ થતા હોય. તમારે એનાથી ખુશ કે ગુસ્સે થવાની જરૂર નહિ. તમારે પેલું વેગાસમાં પત્તાનું ટેબલ હોય છે એવું, “Let it ride” થવા દેવું. અને એવું થવા દો તો તમે સહુને ખુશ રાખી શકશો અને સહુથી વધુ ખુશી તમને પોતાને થશે.

અને એથી જ મને હવે મિત્રો જોડેથી કોઈ ફરિયાદ નથી. જેને જેમ કરવું હોય એમ. તેથી આપણે અપસેટ થવાની શું જરૂર?

આવો જ એક બીજો પ્રસંગ…હું અમદાવાદથી એક યુનિવર્સીટી ઓફ ટેક્સાસમાં ભણવા ગયો હતો. અમદાવાદથી ક્યારે ય બહાર નીકળ્યો ના હતો અને પહેલી જ વાર નીકળ્યો ત્યારે પહીચી ગયો સીધે સીધો અમેરિકા, એટલે એટલા બધા નવા, વિસ્મયકારી અને બિલકુલ જ ના માણ્યા હોય તેવા પ્રસંગો બનવાના હતા. ત્યારે પહેલા જ વીકમાં કોલેજનું ઓરિયેન્ટેશન. ત્યાં અમારો બેસવાનો વિશાળકાય અને અતિ સુંદર હોલ. ઇન્ડીયાથી જયારે તમે આવ્યા હોવ ત્યારે આવા બધા વિશાળ અને આધુનિક બેન્કવેટ હોલ જોવાથી વિસ્મય તો થાય જ.

મારા ઓરિયેન્ટેશન વખતે કેટલા બધા તો ઇન્ડિયાના જ વિદ્યાર્થી ઓ. એમના મોટા ભાગના , બધા કહો તો યે ચાલે, એ બધા જ દક્ષિણ ભારતના…ખાસ કરીને આન્ધ્રપ્રદેશના. ત્યાં અમારી આગલી હરોળમાં મને એક જણ બેઠેલો જણાયો એની અટક (લાસ્ટ નેઈમ) શાહ વંચાઈ. એટલે હું તો ખુશ થઇ ગયો. એ લોકોનું ગ્રુપ જેવું હતું. તેજસ શાહ, મનીષ મેહતા વગેરે. એટલે પછી ઓરિયેન્ટેશન પતે હું એમને મળવા માટે તલપાપડ થઇ ગયો. મને એમ કે સાલું કોઈક અપના જેવું લાગે એમેની જોડે ફ્રેન્ડશીપ થાય તો મજા. પણ તેજસભાઈ શાહનો તો સાવ જ શુષ્ક પ્રતિભાવ. એમની સામે હું ઉભો છુ અને એમની નજર હોલની લાઈટો પર. મને એમ કે ત્યાં કશુંક ખોવાઈ તો નથી ગયું ને! મનીષ મેહતા તો વાત કરવા પણ તૈયાર નથી. પછી એ તેજસ મને એક વાર લાઈબ્રેરીમાં મળી ગયો. હજુ તો શરૂઆત જ હતી અને મને ત્યાની લાઈબ્રેરી પણ ભવ્ય લાગે. તેજસ ગુજરાતીમાં બોલે તો બોલે. મોટે ભાગે અંગ્રેજીમાં જ વાત કરે. મને મોટે ભાગે એવોઈડ કરવાનો એનો પ્રયત્ન ખરો. મને એવી ખાસ ખબર પડે નહિ. એટલે મેં કહ્યું કે “લાઈબ્રેરી કેટલી મોટી બનાવી છે!?” તો એનો પ્રતિભાવ એવો કે “ઠીક છે. એટલી મોટી કઈ નથી” એનું કારણ એવું પણ હોય કે લાઈબ્રેરીમાં જે પુસ્તકો હોય એ કદાચ એટલી વિશાળ વેરાયટી અને ક્વોલીટી ના પણ હોય. પણ આમાં એવું કે આમનો એટીટ્યુડ એવો કે તમે તુચ્છ…એટલે આપણે તો ઓછપાઈ જઈએ એવું બને.

આવું મને ઇજનેરો સાથે વારમ વાર થાય. એટલે ધારો કે એક આપણા મિત્ર નામે હરીન્દ્ર. તો હવે હરીન્દ્રને મેં પહેલા અઠવાડિયે પૂછ્યું કે “દાદા, આપણે ઇન્ડિયા ફોન કરવો હોય તો શું ચાર્જ?” તો કહે કે એવું કશું નક્કી કહી ના શકાય (It depends). તમે કેટલા ફોન કરો, કોને ફોન કરો એવું બધું. હવે એનો જવાબ બિલકુલ સાચો. પણ એનો મારે માટે શું અર્થ? ફોન તમે જો રાત્રે કરો તો ચાર્જ ઓછો હોય. પછી ફોન તમેં કયા સિટીમાં કરો કે કેટલી વાર વાત કરો એના જુદા જુદા ચાર્જ હોય. પણ હવે એમાં આવું છે કે મને જો એવું કોઈ એ પૂછ્યું હોય તો મેં એવું કહ્યું હોય કે અહી લગભા બધા લોકો જનરલી વીકેન્ડમાં એક-બે વાર વાત કરે લગભગ પંદર થી ત્રીસ મીનીટ. એ જનરલ આધારે તમારો ખર્ચ લગભગ ત્રીસ ડોલર મહિને થઇ શકે એવું કઈક. પણ આમાં એવું કે ઇજનેરોનો સ્વભાવ જ ચોકસાઈ વાળો અને કન્સીસ્તંસી વાળો. એટલે દરેક વાતના તમામે તમામ પાસાઓ આવરી લઈને વાતનો જવાબ આપે…એમાં એવું થાય કે દ્રષ્ટિકોણ ગુમાવી બેસો.

જેમ કે અમારા મયંક ભાઈને મેં કહ્યું કે કારમાં આવતી વખતે મને હેડફોન ભરાવીને ઓડીઓ બુક સાંભળવાનું મને ખુબ ફાવે. તો એનો જવાબ શું? તો કહે કે એમાં ઘણી વાર પાછળની ગાડી વાળનું હોર્ન સંભાળાય ના અને માન પણ વિચલિત રહે. હવે આંકડાશાસ્ત્રીની દ્રષ્ટીએ એ વાત સાચી. એના પર ખુબ સ્ટડીઝ પણ થયા હોય. એના પર લોકોને પી એચડીની ડીગ્રી પણ મળી હોય. કેટલા ટકા લોકો શું સંભાળે છે, એનાથી તમને કેટલા ટકા ડીસ્ત્રેક્શન થાય છે, મગજ માં અલ્ફા તરંગો ઉભા થાય છે એવું બધું મળી જાય. અરે એવા પણ સ્ટડી મળે કે જેમાં એવું કહેવામાં આવે કે જેટલા લોકો કારમાં રેડીઓ સંભાળે છે એ લોકો માંથી સમાચાર સંભાળનારા લોકોને હ્રિદયરોગ વધુ થાય છે કારણ કે ખરાબ ઘટનાઓ એમને મનને અસ્વસ્થ કરી નાખે છે એવું બધું. પણ તેથી શું? એટલે આપણને ફાયદો થતી ઓડીઓબુક સાંભળવાનું બંધ કરી દેવું? આમાં એવું છે કે ઇજનેરો કોઈ એક ઘટનાના એટલા બધા પાસાઓ વિચારી નાખે કે પણ વાતનો મર્મ જતો રહે અને વાત શબ્દો અને થીયરી રહી જાય.

About વિરેન શાહ

મારા બ્લોગ પર આપણું સ્વાગત છે. હું મૂળે અમદાવાદનો અને યુંએસેના ડલાસ શહેરમાં રહું છુ. મારા વિચારોને અહી બ્લોગ સ્વરૂપે પ્રસ્તુત કરું છુ. આપનો અભિપ્રાય આવકાર્ય છે.
This entry was posted in Uncategorized. Bookmark the permalink.

4 Responses to તેથી શું?

  1. સરસ ,વિરેન.. વિચારોનું ઊંડાણ જણાય છે ….

  2. himanshupatel555 says:

    About વિરેન શાહ
    મારા બ્લોગ પર આપણું સ્વાગત છે. …….આપનું સ્વાગત જોઈએ સુધારી લેશો.

  3. બે મેમલ ભેગા થાય એટલે એકબીજા ઉપર ડોમીનન્ટ બનવાનું શરુ થઇ જાય,માનવ પણ આખરે મેમલ જ છે પણ માનવ માટે એના માટે રસ્તા બહુ સભ્ય હોય,સિવિલાઈઝડ હોય કારણ માનવ પશુ કરતા થોડું કૈક વધારે છે.વિચારવંત છે.શાહ ભાઈ આપને ઇગ્નોર કરીને તુચ્છ છો એવું બતાવીને બ્રેઈન્માથી સીરોટોનીનનો સ્ત્રાવ વધારી હેપી ફીલ કરે તે સ્વાભાવિક છે.મેમલ બ્રેઈન એની ન્યુરો કેમિસ્ટ્રી સમજવી હોય તો મારા બ્લોગના લેખો વાંચી લેશો મજા આવશે.પછી બહુ દુઃખ નહિ થાય.

  4. Hiral says:

    too long article….but તેથી શું?….

    I think, Your thoughts have depth, but it’s too lengthy to read a whole article. sorry🙂

    But keep expressing your self🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s