ગીતો સાંભળો ત્યારે…


મારી પાસે એવા કર્ણપ્રિય ગીતોનું લીસ્ટ છે જે સાંભળીને એટલો આનંદ થાય એમ લાગે કે આપણું મન પ્રવાહી થઇ ગયું છે. મન સૃષ્ટિ સાથે તદ્દન તાદ્ત્મ્ય અનુભવે અને સૃષ્ટિના તાલ સાથે એટલો એકરાગ અનુભવાય કે દુનિયામાં જે થઇ રહ્યું છે તે બધું બરાબર છે, દરેક વસ્તુનો ઉકેલ છે અને એકેએક વસ્તુને આપણે ભરી પીશું. આપણું મન જયારે અત્યંત ખુશી અનુભવે ત્યારે હંમેશા આવા પોઝીટીવ વિચારો આવે. જયારે કોઈક આનંદ દાયક ઘટના બની હોય તો એવું અચૂક થાય. એમ થાય કે સામે ભલે ને જંગી અને અત્યંત વિકટ તથા જટિલ પ્રશ્ન હોય પણ આપણે એનો ઉકેલ શોધી કાઢીશું. ભલે ને એના ઉકેલ માટે અત્યંત મહેનત કરાવી પડે પણ છતાયે એવો ઉકેલ મળશે જ.

આવો પ્રચંડ આશાવાદ અને જીવનની અત્યંત કપરી પરિસ્થિતિનો સામનો કરવાનો જુવાળ હંમેશા કેમ નથી રહેતો? દરેકે દરેક ક્ષણે આપણે હંમેશા સમતોલ મન સાથે ભયાનક અને મગજને-શરીરને તોડી નાખે એવા વિરાટ અને અંત ના આવે એવા, પ્રશ્નો ઉકેલવા માટે આપણે હંમેશા તત્પર કેમ નથી હોતા? અને મન જયારે પ્રવાહી હોય કે ખુબ જ ખુશી થાય એવા પ્રસંગો બને ત્યારે જ એવા વિચારો કેમ આવે છે?

મારા માટે લાગુ પડતી એક વાત છે, અમારે ત્યાં ડલાસમાં સોનું નિગમનો કન્સર્ટ આવેલ હતો. એમાં જયારે એક પછી એક સુંદર ગીતો ગાય ત્યારે મન આવું જ પ્રવાહી થઇ જાય અને અદ્ભુત, સર્જનાત્મક અને નવીન વિચારો આવે જેને જાણીને એમ થાય કે આવા વિચારોને અમલમાં મુક્યા હોય તો કોઈ પ્રશ્નો બાકી રહે જ નહિ. ગીતો એકલા જ નહિ ઘણી બધી વસ્તુઓ તમને આવા સ્ટેજ પર પહોચાડી શકે છે. મારા પ્રત્યક્ષ અનુભવે, ધારો કે તમે રેડ બુલ નામનું સોફ્ટ ડ્રીંક પીધું હોય, કોઈક ખુબ જ ઉત્તેજનાવાળા અને આનંદદાયક સમાચાર મળે, કોઈક સુંદર શો જોતા હોવ, ગીતો સાંભળો, મનગમતી વ્યક્તિને મળો…

હજુ આનો ઉકેલ મળ્યો નથી કે હંમેશા મન આવી એક જ સરખી અને આનંદદાયક પરિસ્થિતિમાં કેમ નથી રહેતું અને કોઈ કોઈ વાર આનંદની લહેરખીથી ખુશ થતું રહે છે? આનો શું ઉપાય હોઈ શકે? ઉપર લખેલ વસ્તુઓ ના થઇ હોય છતાયે મનને પ્રસન્ન અને એ પણ હંમેશ માટે રાખી શકાય ખરું? મેડીટેશન એનો એક ઉપાય હોઈ શકે એવી મારી ધારણા છે પણ એનો પ્રયોગ મેં કરેલ નથી.

Advertisements

About વિરેન શાહ

મારા બ્લોગ પર આપણું સ્વાગત છે. હું મૂળે અમદાવાદનો અને યુંએસેના ડલાસ શહેરમાં રહું છુ. મારા વિચારોને અહી બ્લોગ સ્વરૂપે પ્રસ્તુત કરું છુ. આપનો અભિપ્રાય આવકાર્ય છે.
This entry was posted in Uncategorized. Bookmark the permalink.

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s